سعودی عرب اور چین نے پاکستان کو قرضوں کی ادائیگیوں کے حوالے سے بڑی یقین دہانی کرادی

اسلام آباد (نیوز ٹائم اپڈیٹس)پیرس کلب کے بعد سعودی عرب اور چین نے یکم مئی سے 31 دسمبر تک پاکستان کو قرضوں کی ادئیگیاں مؤخر کرنے کی یقین دہانی کرادی

وزارت خزانہ حکام کے مطابق سعودی عرب اور چین نے بھی یکم مئی سے 31 دسمبر تک پاکستان کے قرضوں کی ادائیگیاں مؤخر کرنے کی یقین دہانی کروادی ہے قرض کی ادائیگیاں مؤخر ہونے سے پاکستان کو مجموعی طور پر ایک ارب 80 کروڑ ڈالر کا ریلیف ملے گا اس سلسلے میں باقاعدہ اعلان آئندہ ہفتے ہوگا جبکہ متحدہ عرب امارات سے بھی قرض کی ادائیگیاں مؤخر کرنے کے لئے بات چیت جاری ہے  آئندہ بجٹ یہ ادائیگیاں مؤخر سمجھ کر بنایا جا رہا ہے

واضح رہے کہ گزشتہ روز ترقی پذیر ممالک کو قرض فراہم کرنے والے ممالک پر مشتمل گروپ پیرس کلب نے پاکستان کا قرضہ مؤخر کرنے کا اعلان کیا تھا اور اس سے قبل آئی ایم ایف پاکستان کو قرضوں میں ایک سال کا ریلیف دے چکا ہے جی 20 ممالک کی طرف سے بھی قرض منجمد کرنے پر رضا مندی ظاہر کی جا چکی ہے

اپنا تبصرہ بھیجیں